12. tbl. 2006

Meðal efnis í 12. tölublaði 2006:

Við höfum markað okkar spor á jörðina.
Hvorki meira né minna en 83% af landsvæðum jarðar bera augljósan svip áhrifa mannanna. Þetta sýnir ný og einstök kortlagning jarðar þar sem fræðimenn afhjúpa ummerki manneskjunnar.

Eldurinn kom krafti á þróunina
Þegar forfeður okkar lærðu að búa til eld lögðu þeir grunninn að sigri okkar á heiminum. Stuðlað var að áframhaldandi sigurgöngu með snilldaruppfinningum eins og t.d. hjólinu, skriftinni og klósettinu.

MAÐURINN hefur farið um allt
Fyrir um 200.000 árum varð til ný tegund - nútímamaðurinn. Í upphafi lifðu forfeður okkar aðeins á sléttum Afríku en svo lögðu þeir af stað til að sigra heiminn. Með mikla greind, ómælda forvitni og gífurlega uppfinningasemi í farteskinu, hefur mannkyinu tekist að sölsa undir sig nánast hvern krók og kima jarðar. Í þessu stóra þemablaði gerum við grein fyrir helstu afreksverkum okkar sem tegund og skoðum hverjar framtíðarhorfur okkar eru.

Mannsheilinn þroskast í hægagangi
Mannsheilinn er alls ekki fullmótaður frá fæðingu, heldur þróast hann langt fram eftir aldri. Þetta veitir okkur marga kosti umfram dýrin. Við fáum nægan tíma til að tileinka okkur eiginleika sem gera okkur að manneskjum: rökræna og óhlutstæða hugsun, sem og hæfileikann til að finna til samúðar..

Lífið getur haldið áfram á fjarlægum plánetum
Dagar mannkynsins á jörðinni eru senn taldir. En kannski gætum við komist burt héðan áður en það verður of seint og vísindamennirnir hafa sett fram ýmsar hugmyndir um hvernig það gæti gerst.

Til baka...