Fyrir tilkomu afstæðiskenningarinnar hefði svarið við þessari spurningu verið já, tíminn líður nákvæmlega jafn hratt á þessum tveimur reikistjörnum, en svo einfalt er málið ekki lengur. Reikningsdæmið lítur nú svona út: Jörð er þyngri en Mars og þyngdaraflið því kröftugra. Samkvæmt afstæðiskenningunni gengur klukkan hægar eftir því sem þyngdaraflið er meira og hér tapast því 0,017 sekúndur á jarðári. Þar eð Jörð er einnig nær sólu en Mars og þyngdarafl sólarinnar hefur því meira vægi hér, tapast 0,106 sekúndur á ári til viðbótar. Loks er svo að geta um 0,054 sekúndur sem fara forgörðum vegna þess að Jörð fer hraðar kringum sólina en Mars - enn og aftur samkvæmt hinn frægu kenningu Einsteins. Nú má reikna niðurstöðuna: Klukkan gengur 0,177 sekúndum hægar á ári hverju hér en á Mars. Ef við ímyndum okkur að geimfari sneri aftur hingað heim eftir 50 ára dvöl á Mars væri hann tæplega 9 sekúndum eldri en við hin sem hefðum verið hér allan tímann.